02/06/2008

يوميات صالح وطالح (1)

صالح: اهلا بكم فى المنابر

طالح: لا اهلا ولا سهلا

صالح: ممكن نتعرف على اسمك ؟

طالح: الامير طالح !!

صالح: الاخ ليبي ؟

طالح: ليبي شينو !!! خرف !!

صالح: ممكن نتعرف اكتر يا امير طالح ؟

طالح: الحبل والليل والساحات تعرفني فى شرقها وغربها و كل البلادي !

صالح: شنو تقصد ؟

طالح: انت عارف قصدى كويس !

صالح: ياخوي راني مواطن ليبي !!!

طالح: مواطن ليبي! شينو قاعد اتقول! انشاء اللة, انت مازال تفكر فى الكلام الرجعى هدا !!!

صالح: اهدى ياخوى - الكلام اخد وعطاء !

طالح: الكلام اخد بس !!! عطاء لا !!!

صالح: كيف كيف !

طالح: الكيف يكيف والخنق من الرقبة يجيف ! وكان متسكرش منبرك راهوا حبلك واتي !!

صالح: ياودى فككنى من الكلام هدا ! وبعدين انت من وصل فيك ؟

طالح: قاعد تتكلم على الحرية وبطلعنى بالحمراء وتبينى نسكتلك !

صالح: انت عارف مع من تتكلم !

طالح: صالح بدون صلاحيات

صالح: اسمع يا طالح رانى من الصبح ساكتلك !

انت امير بدون شرعية !!!! والواضح قاعد معرفتش مع من تتكلم !

طالح: عارف مع من اتكلم كويس !

وهدا مخليني صابر عليك ! ولو كنت مش صالح راك تو فى خبر كان !!

صالح: الكلام معاك فاضى !
ينتهى المنبر متاع اليوم وبعتالى ساهل !

يتبع !!!!!!

والى اللقاء فى اليومية التانية ..............

تحياتى... الخمسي