13/07/2008

الحياة فيها مستحيله...

بسم الله الرحمن الرحيم

الحمد الله والصلاة والسلام علي رسول الله وبعد...

بعد طول تردد وخوف مجلجل واحباط يحيط بنا من جانب قررت ان اسطر هذه الرسالة... بالمختصر المفيد انا اريد (انهج) من ليبيا لان الحياة فيها مستحيله وصعبة للغايه بل لا تطاق الي مكان ما فيهش القذفي المنجوه اللي قطمرنا وقلل هنانا وعيشنا في ذل وقهر وعازه ورقادة ريح ... افلوسنا (من البترول)يطرطش فيهن العبيد والمصريه والتوانسه وعلي كل مله في العالم ونحن محرومين من ابسط حقوقنا في الحياه... فالواحد منا نحن الشباب موش لاقي بيش يكون اسره ويعيش حياة كريمه وطيبه وراحة وهنا وسرور بل كل الشباب في حاله من الفقر والعازه ما يعلم بيها الا الله تعالي ... العمل مافيش ماهواش متوافر اللهم الا انك اتخش العسكريه او القطاعات الامنيه اللي حولت ليبيا الي معسكر كبير.. والسكن ازمة السكن هي ابروحه هم وغم ودواخ راس الايجار 200 دينار في الشهر... واذا تبي تشري اتحط ايدك ع النار ولا ع الاسعار الخياليه جدا... تكاليف الزواج حدث ولا حرج... السيارات تلقاها قرباعه امعفنه (خرده) تلقاها غلاء واكواء... من الاخير والخلاصه انا نبي انهج انحل من ليبيا اللي صارت جحيم بالنسبة لنا فالله يربحكم ساعدوني بيش نهج من هنا...

ليي مقهور