|
|
|
|
|
|
|
|
|
|
|
|
|
20/02/2006
الكاتب الليبي: طارق القزيري
إلى
بنغازي: مات الفحل قدام عيني!!! تعبت بنغازينا ياخييّ ونامت .... يد وحدة ما تصفقش و ما بالك صوابعها مجروحة. ختام الأحد الرهيب الواحدة صباحا / من بنغازي.
وكان هو راعيهن وهو الحماية بعده بدن لابـن اللبون غنايم. رضيت بالمقـدّر كاتبه مـولايا انشوفا قدا الجزار ست قوايم.
غناء : سيف النصر
مات الفحل قدام عيني لايم عليا ونا راضي بحكم الدايم
كان فحل وكان عزها وتجمع عليه البل يزول وين يجمعها وهي تزل لولا رغاها ما تقول بهايم
كان سيدها وين ما عليه اتطل اتقول غير من ناور لمركب عايم في عز الشتا يطبخ في صدره غِلّ ياخذ ثلاث شهور عاقد صايم ان حفّ العشار اتقول غير اهبل نافر العالم بس زولي رايم وان جيت للحمولة تقول مو جمل شيخ من عرب تفعل قوا العزايم
درت عزايا على موت الازرق والعشار معايا كيف كبيتي قعدن اسبوع كبايا انقوا حذانا ما تهنى نايم
ونا تقول متيسر في ملطم فايا (1) وهن تقول نالوهن أصحاب جرايم ربات ع المرحوم فيه عمايا الكل هيّفن وتمن امغير رمـايم وكان هو راعيهن وهو الحماية بعده بدن لابن اللبون غنـايم رضيت بالمقدر كاتبه مولايا انشوفه قدا الجزار ست قوايم.
مات الفحـل .... ـــــــــــــــــــــــــــــــــــــــــــــــــ (1) متيسر : أسير ، ملطم فايا: إشارة لمدينة فايا / تشاد.
|
