_ تقريبا أحني كلنا ليبيين لكن...
_ يا راجل هذي خرافة ما تنتهيش بكل...
_ أسمع كل شي ينتهي بالحقيقة...
_ صحيح.. أحني كلنا بشر وما فيه حد خير من الآخر إلا بالتقوة...
_ هذا كلام.. أولآ "أولد فاشا" وبعدين مش مطبق...
_ يا جماعة.. أني نشوف في نوع من التفاوت...
_ كلام صحيح وخاصة الماديات...
_ أسمع.. أسمع.. هذا كلام مستورد ومش من عادات الليبي الاصيل..
_ والله يا خوتي.. أني ملاحظ ان بعض الجماعة فارغين من...
_ إيه.. إيه.. "يا أرض أنهدي ما عليك قدي"...
_ و لا مش غير الماديات حتى بعض الامور النفسية والمعنوية...
_ أوه.. أوه!! هذي فلسفة غايبة علينا!!!
_ هذي مش فلسفة يا شاطر..هذا واقع مخلبط !!!
_ ما خلبطوه إلا الواردون...
_ أسمع.. شهادة قدام ربي.. مش كلهم..
_ أني معنديش ما نقول إلا "لآإله إلا ألله"
_ وقولو معاي يا جماعة"محمد رسول ألله"...
_ أحني من بكري نهبكو ومعرفناش بيت القصيد...
_ هو هذا صلب الموضوع..أحني ديما نلفو حول الحقيقة...
_ وراهو.. لا يمكن نمشولها دغري...
_ أسمع.. لما تصبح عملتنا هي الصدق أنطو.. أنجو في لب الحقيقة.
