29/07/2008

الريح والعصا

بقلم: عبدالرحمن السبتــي

_ مرة هوهضاكه ومرة ياودي لا…
_ صح يابوصاحب انت راهو دابل ستندر…
_ ما تأخذوشي ياجماعة…
_ ايه…ايه..صاحبنا شادها الليل كله بم..بم…
_ ها..ها..ها..ولا..ديمة يزن…
_ اسمع..اسمع..غيرخليني نتكلم…
_ والله ياجماعة الموضوع يهم الجميع…
_ اسكت انت..العزاب خارجين اللعبة…
_ كيف!!يابوجلباب..ماهوجايهم الدور…
_ ياجماعة..فكونا من البزنطيات…
_ ياسيدي شد انت رأس الخيط وفهمنا…
_ اسمع راهو ما يحس النار الا لعافس فيها…
_ شن قصدك يا بوجليبيبة…
_ ياجماعة اسكتوا وخلوا الراجل يتكلم…
_ يا ولاد..أمور الغربة راهي ما هيش ساهلة…
_ توا بالله..انت اللي تقول هكي…
_ ايوا..ايوا..الصراحة..يا بوجلباب…
_ والله يا جماعة..اول مرة نسمع…
_ هذكاي..كان زمان…
_ انت..يا بوجلباب كنت ديمة تشجع عالهجرة…
_ ايه..وديمة تقول راهي سنة…
_ انت صحة ليدك مازال ما جربتش…
_ مش انت اللي تقول الزواج نصف الدين…
_ يب..الاستقرار..والماكلة..والنظافة..و..و..و…
_ احني والله ما فهمناك يا بوجلباب…
_اسمعوا..راهي الامور كلها تتغير بعد…
_ وخيرك ما قلتناش قبل…
_ يا جماعة..اني نقول الراجل زاغت عينه…
_ شنو قصدك وحدة تانية…
_ خرف..خرف..هي هني وصياحها في الوادي…
_ يا جماعة..افهموني…
_ شنو..يا مقطر..شوره وحيدة شقرا…
_ بالله عليك..اطلع منها انت…
_ يا جماعة..سكوت تام..وخلوه يتكلم…
_توا تشوف..انت لما تديرها…
_ وانت..انت..يافقون...دوة وبس…
_ باهي..باهي..يا ولاد..خلونا في الموضوع…
_ هيا اتكلم يا بوجلابيب…
_ بالله..خلونا نتكلم بجديات…
_هيا..خوذ عندك...
_ يا جماعة..الموضوع راهو يخص الجميع...
_ ماهو قلت..العزاب..لا...
_ جايهم..جايهم...
_ وبعدين يا جماعة..اليوم مش وقته...
_ لا..لا..غير اتكلم...
_ والله..خلاص..بوجلباب سكر راسه...
_ ايه..ايه..كان تكنطه غير خلوه...
_ انتم كلكم ..اكيد..تعرفوا بوجلباب...
_ ايه..ايه.. كلامه.. مرات منطقي...
_ ومرات راهو يضرب في الريح بالعصا...
 

مساهمات سابقة:

  الحقيقة والصدق

  انا ليبي

  إنتماء وولاء

  الحقيقة المـرة

  دجيرة

  "خليفة الرانجة"

  زاهد الأمس

  آهات وأنين

  سيرة ذاتية

  أنثى الغــزال

  العاشقة… العذراء

  صرخة الصمت

  غرباء الحارة

  ليبيـا وليبيين

  عرس الزيـن

  ويا ... مغتربينـا ..!!