- يا سيدي مانبعدوش بعيــد ...
- ايه .. ايه عنده حق البولندي كان شرب معاك مايخونكش ...
- إماله جماعتنا يأكل معاك في صينية واحدة ...
- صح .. صح ومش بعيد يتفل فيها ...
- لا .. مش كلنا .. لا ......
- أحني قاعدين نحكوا على بعض الناس ...
- أسمع .. أسمع العالم كله تغير مش أحني بس ...
- ياراجل أحني مسلمين ...
- إيه .. خرف ... زيد خـرف ...
- تبي الحق الأصول ...أصــول ..
- أما أصول اللي تحكي عليها هذه ..
- والله عالم غريـــب ...
- غريب وبس ... صاحبك تضحك معاه ..يضحك عليك ..
- إسمعوا يا جماعة عندنا مثل عربي يقول. ما تدخل لحوشك إلآ القمح
- هذا هو الصح .. إبعد عالشر وغنيلــه ...
- والله المصريين صدقوا فى هــذا ...
- خوذلك ... المصريين مبعدنا عليهم ...
- لا ... لا وقالك أحني الليبيين عاطفيين ...
- منين يا عالم ... والخو يقض خــوه ...
- شنو !!! يقض .. فكنا من كلام التوانسة !!!
- إيه .. خطرها على التوانســة ...
- أسمع ... أسمع ورحمة اميمتك فكنا من سريبهم ...
- يا راجل خيركم ... نسيتونا فى الموضوع ...
- لا ... زي ما قتلك ... الصداقة
إندفنت ...
- وهو من يعطيهالك غير صديقك ...
- هذه ماتتسماش صداقـــة ...
- والله صح ... صاحبك تعطيه بظهرك باش يحميك ...
- يحميك شنو .. يا راجل تبيه يركب عليك ويدير بيك دجيرة ...
