ليبيا هى غير

بقلم: ريم ليبيا

في كل شيء هى  غيــــر ...

احنا  من عشق ارضها وبحرها مثله مثل الغير!!

نشرب من بحرها وخيرها محسوب  لغير أهلها!!

نرفض الظلم .. وننكر كل من مد يد لغير اهلها !!

بس ليبيا .. هى غير

ليبيا وشعبها .. كله خير.. وهى غير..

اللي جمعها الخير  لكن اغتصبها الغير !!

أسلوب التعامل.. والتواصل فى بعضنا غير

حقوقنا محبوسه بنظام  مجحف دون  الغير

نصبر نجامل ونتعامل مع الغير.. وهى غير

ونطلب السلم والحق يرجعنا عن طريق  الغيـر

بس ليبيا ..هى غير

حبنا لليبيا  اكبر من الجحـــــــود

عشقنا ليها  اكبر من الصـــــدود

ابتلت بلدنا بناس ماتقدرالمعهـود

تسرق دموعك وحلمك المنشــود

بس ليبيا ..هى غير

لونهاجر لونسافر ونحترق بنار..المحابر

نرجع لارضنا ونتحدى لاجلها.. وانكابــر

لغربه عذاب كلها ظلام مثل ظلام المقابــر

بس ليبيا .. هى غير

لو جبنا ألف شــــاعر ..

يعرف يقيس المشاعر ..

الشعر .. نغمه بحرها ..

والوتر.. يحيى سهرها..

والتراث ..هم أهلـــها ..

والوطن ..غربه دربها..

من بحرها..الى سهلها..

تبقى ليبيا هى غيـر